Thaçi i shqetësuar për gjendjen shëndetësore të Mustafës, s’munda ta vizitoja

Presidenti i Kosovës, Hashim Thaçi, është shprehur i shqetësuar për gjendjen shëndetësore të ish-kryeministrit Isa Mustafa.

Përmes një postimi në llogarinë e tij në Facebook, Thaçi thotë se me të informuar për gjendjen shëndetësore të liderit të Lidhjes Demokratike të Kosovës (LDK), Isa Mustafa ka kontaktuar me familjarët e tij.

“Që nga momenti i informimit për gjendjen shëndetësore të ish kryeministrit Isa Mustafa vura kontakt me bashkëpunëtorët dhe familjarët e tij. Shpreha gatishmërinë për ta vizituar, por procedurat e trajtimit të tij nuk ma mundësuan një gjë të tillë”, ka shkruar Thaçi.

Presidenti Thaçi është shprehur se përmes telefonit i ka ofruar përkrahje të plotë për shërimin e Mustafës kudo të jetë e nevojshme.

“I uroj shëndet dhe sa më parë t’i kthehet familjes së tij si dhe obligimeve institucionale”, ka shkruar Thaçi.

Isa Mustafa raportohet se është dërguar në Gjermani për shërim.