Thaçi: Është koha për një marrëveshje mes Serbisë dhe Kosovës, duhet të lëvizim përpara

Presidenti Hashim Thaçi, po merrë pjesë në Konferencën e Sigurisë së Munihut, që po zhvillohet në Minsk të Bjellorusisë, ka thënë se tash është koha për arritjen e një marrëveshjeje në mes të Kosovës dhe Serbisë.

Thaçi ka folur para pjesmarrësve duke thënë se është koha për arritjen e një marrëveshje mes Prishtinës e Beogradit, marrëveshje kjo që është e obligueshme ndërkombëtarish, njofton gazetametro.net.

Presidenti Thaçi ka thënë se për arritjen e kësaj marrëveshje po punon SHBA’ja dhe BE’ja.

Postimi plotë i Thaçit:

Në Konferencën e Sigurisë së Munihut, që po i zhvillon punimet në Minsk të Bjellorusisë, kam folur për zhvillimet në Kosovë dhe rajon. Theksova se tani është koha për arritjen e një marrëveshjeje në mes të Kosovës dhe Serbisë. Marrëveshje që është e obligueshme ndërkombëtarisht. Një marrëveshje gjithëpërfshirëse, e cila nënkupton njohjen e dyanshme në mes të Kosovës dhe Serbisë. Lidershipi në Kosovë dhe Serbi e dëshiron një marrëveshje të tillë, SHBA-ja dhe BE-ja e dëshiron dhe po punon drejt arritjes së kësaj marrëveshjeje dhe, tani, pa hamendje, të gjithë duhet të lëvizim përpara../gazetametro.net