Loading…

Thaçi e Veseli urojnë zgjedhjen e Steinmeier president të Gjermanisë

  • 12/02/2017 | 15:23

Thaçi e Veseli urojnë zgjedhjen e Steinmeier president të Gjermanisë

Gjermania ka zgjedhur sot për president të ri, ish minisrin e Jashtëm Frank – Ëalter Steinmeier. Presidenti, Hashim Thaçi, dhe kryetari i Kuvendit, Kadri Veseli, me këtë rast e kanë uruar atë, duke shprehur bindjen se Gjermania do të vazhdojë mbështetjen për Kosovën.


“Në emër të popullit dhe institucioneve tona, mikut të dëshmuar të Kosovës, Frank-Ëalter Steinmeier, ia uroj zgjedhjen e tij President i Republikës Federale të Gjermanisë. Jam i bindur se presidenti i zgjedhur Steinmeier dhe kancelarja Merkel do t’i adresojnë me përgjegjësitë më të larta të gjitha sfidat me të cilat po ballafaqohen shtetet e Bashkimit Evropian dhe të Ballkanit Perëndimor”.

“Roli i Gjermanisë është dëshmuar si vendimtar për stabilitetin në rajon, kurse mbështetja gjermane për Kosovën ka ndikuar shumë edhe në forcimin e subjektivitetit tonë ndërkombëtar. Miku i Kosovës, Frank-Ëalter Steinmeier, ka qenë mbështetës i vazhdueshëm edhe sa ishte Ministër i Jashtëm i Gjermanisë, veçanërisht për dialogun me Serbinë, ndaj të cilit ne mbesim të angazhuar deri në normalizimin e plotë të marrëdhëniet tona si dy shtete të pavarura”, ka shkruar presidenti Thaçi.

a

Gjithashtu edhe kryeparlamentari Veseli, në urimin e tij, ka shprehur bindjen se Gjermania ka për të vazhduar të luajë rolin protagonist që ka në Evropë.

“E falenderoj përzemërsisht Z. Steinmeier për ndihmën që i ka dhënë Kosovës në postin e ministrit të jashtëm dhe i uroj sa më shumë sukses në përmbushjen e detyrës së re fisnike që ka marrë”, ka shkruar Veseli. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë