Loading…

Të karantinuarit në Qendrën e Studentëve ankohen se nuk ka kontrolle të duhura mjekësore

  • 23/03/2020 | 19:35

Të karantinuarit në Qendrën e Studentëve ankohen se nuk ka kontrolle të duhura mjekësore

225 qytetarë të ardhur ditët e fundit nga shtete të tjera po vazhdojnë të qëndrojnë në karantinën e vendosur në Qendrën e Studentëve në Prishtinë.


Mungesa e barnave dhe kontrolleve të duhura mjekësore janë disa prej shqetësimeve të ngritura nga qytetarët e vendosur këtu, raporton KOHA.

Avdullah Bajra, i cili së bashku me gruan e tij gjendet në karantinë që nga data 20 mars, thotë se ka disa ditë që po kërkon ndihmën e mjekëve pasi vuan nga diabeti, derisa thotë se atij nuk i janë sjellë as barnat për trajtimin sëmundjes së tij.

Të njëjtin shqetësim e ka Lorik Mehmeti. Ai thotë se gjendet në një dhomë me gjyshen e tij 72-vjeçare, e cila vuan nga tensioni, por që askush prej ekipit mjekësor nuk e ka kontrolluar atë.

Mehmeti thotë të jetë i shqetësuar me frekuentimin e madh të qytetarëve brenda qendrës ku gjendet ai.

Por drejtori i Shëndetësisë në Komunën e Prishtinës ka thënë se ekipet mjekësore deri më tani kanë vizituar të gjithë qytetarët që janë vendosur në këtë karantinë.

Nga këtu deri më tani 6 qytetarë janë udhëzuar për testim në IKSHP me dyshimet për Covid 19.

Megjithatë, Bujar Gashi, Drejtor i Shëndetësisë në Komunën e Prishtinës, ka kërkuar nga qytetarët që të qëndrojnë të izoluar në dhomat e tyre duke evituar qëndrimet në grupe brenda kësaj qendre.

Që nga java e kaluar Qeveria ka marrë vendim që të gjithë personat që tani e tutje hyjnë në Kosovë do të vendosen në karantinë për 14 ditë në Qendrën e Studentëve në Prishtinë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë