Loading…

Tahiri i reagon ashpër Kurtit: Mos mashtro dhe keqinformo për shpenzimet e paparashikuara në kohë pandemie

  • 12/04/2020 | 21:19

Tahiri i reagon ashpër Kurtit: Mos mashtro dhe keqinformo për shpenzimet e paparashikuara në kohë pandemie

Sekretari i Përgjithshëm i Aleancës për Ardhmëri të Kosovës, Besnik Tahiri, ka reaguar ndaj kryeministrit në detyrë, Albin Kurti, lidhur me deklaratat e tij të fundit për shpenzimet e paparashikuara.


Përmes një postimi në Facebook, Tahiri ka thënë se Kurti po mashtron në këtë kohë pandemie, duke mos informuar drejt për shpenzimet e paparashikuara.

“Me qëllim të informimit të drejt të opinionit dhe gjithë qytetarëve, lidhur me keq informimin dhe mashtrimin për shpenzimet e paparashikuara, e që Albin Kurti e shumë të tjerë i dhanë një term të pasaktë ‘Fondi Rezervë’”, ka shkruar ai.

Tahiri tutje ka sqaruar me detaje se si është situata lidhur me këto shpenzime.

Postimi i tij të plotë:

“Stop mashtrimit në kohë pandemie!

Me qëllim të informimit të drejt të opinionit dhe gjithë qytetarëve, lidhur me keq informimin dhe mashtrimin për shpenzimet e paparashikuara, e që Albin Kurti e shumë të tjerë i dhanë një term të pasaktë ‘Fondi Rezervë’ po jap një sqarim si më poshtë:

E para: Kurti i ka nda 170 milion Euro si me qenë Babadimër por spo ndalet duke thënë që janë hargju 6 milion euro. Ku i mori 170 milion EURO pasi sipas tij arka paska qenë zero! Ato fonde kanë qenë të trashguara nga Qeveria e kaluar, pasi nuk kanë ardhur nga Pikat e VV-së e as nga qielli. Më saktë në arkë kanë qenë 400 milion Euro.

Dy: Për çdo vit Qeveria me rastin e përgatitjes se Buxhetit te Republikës se Kosovës, në kuadër të strukturës buxhetore parasheh edhe një kategori buxhetore të quajtur “Shpenzimet e paparashikuara dhe rezervat” (shih faqe 82, shtojca 1, Ligji Nr. 07L-001 Mbi Ndarjet Buxhetore Për Buxhetin e Republikës së Kosovës Për Vitin 2020, ku per këtë vit janë ndarë 8,800,000 euro ).

Tre: Për vitin 2019, bazuar ne Ligji Nr. 06L-133 Mbi Ndarjet Buxhetore Për Buxhetin e Republikës së Kosovës Për Vitin 2019, kanë qenë të ndara 5,380,000 euro, shih faqe 82. Shtojca 1. Kjo kategori buxhetore shpenzohet brenda çdo vitit fiskal deri me 31 dhjetor dhe asnjë mjet nuk mund te shpenzohet nga viti paraprak. Pra, me miratimin e Buxhetit dhe fillimin e vitit vijues fiskal është në dispozicion për shpenzim kategoria “Shpenzimet e paparashikuara dhe rezervat”

Pra, këtu qëndron mashtrimi dhe dezinformomi i z. Kurti, që i bënë opinionit publik dhe gjithë qytetarëve të Republikë së Kosovës.

Për ata që dojnë informatë shtesë e të saktë çka thotë ligji, ju lutem lexo më poshtë:

Ligji Nr. 07L-001 mbi Ndarjet Buxhetore Për Buxhetin e Republikës së Kosovës Për Vitin 2020, Neni 14 thotë: Shpenzimet e paparashikuara dhe rezervat

1. Shpenzimet e paparashikuara janë të ndara në kuadër të nën-programit: “Shpenzimet e Paparashikuara” në tabelën 3.1., dhe këto mjetet ndahen në përputhje me nenin 29 të LMFPP-së në konsultim paraprak me Ministrinë e Financave dhe Transfereve.

2. Në përputhje me paragrafin 3. të nenit 29 të LMFPP-së, Qeveria mund të autorizojë Ministrin që të aprovojë transferet nga nën-programi: “Shpenzimet e Paparashikuara” në ndonjë nën-program tjetër në tabelën 3.1. dhe tabelën 4.1. për shumat individuale të kërkuara deri në vlerën dyzet mijë (40,000) euro. Shuma kumulative e mjeteve të ndara të këtij autorizimi nuk mund të kalojë njëzetë përqind (20%) të shumës së ndarë vjetore të nën-programit: “Shpenzimet e Paparashikuara”. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë