Superliga mbyll javën, Dukagjini dhe Malisheva përballen sonte

Xhiroja e pestë e Superligës së Kosovës mbyllet sonte me duelin mes Dukagjinit dhe Malishevës.

Në stadiumin e Klinës, vendasit do të përballen me Malishevën, në një ndeshje ku të dyja skuadrat synojnë pikët e plota.

Dukagjini aktualisht renditet i pesti me tetë pikë, ndërsa Malisheva mban pozitën e dytë me 10 pikë.

Malisheva kërkon të vazhdojë ndjekjen e lideres Prishtina, e cila ka grumbulluar 12 pikë, ndërsa Dukagjini synon ta shfrytëzojë avantazhin e fushës për t’iu afruar kreut.

Përballja në Klinë nis sonte në orën 19:00.