Loading…

Studentët e Ferizajt djegin diplomat, s’po gjejnë punë (Video)

  • 06/12/2016 | 13:17

Studentët e Ferizajt djegin diplomat, s’po gjejnë punë (Video)

Ashtu siç është paralajmëruar anëtarët e organizatës “Demokracia Studentore” kanë djegur diplomat e fotokopjuara për të treguar se në Ferizaj nuk ka më vend për ata që studiojnë dhe diplomojnë, dhe se ky vend është bërë vatër e nepotizmit dhe klientelizmit partiak.

Mexhit Ramusa kryetar i kësaj organizate theksoi se janë të detyruar t’i djegin diplomat sepse nuk po gjejnë punë dhe kryetari i Ferizajt sipas tij po punëson militantë të partisë së tij pa diploma dhe po i diskriminon të diplomuarit.

Edhe qytetari Beqir Beqiri dogji certifikatën e diplomës së vajzës së tij meqë nuk ka arritur të punësohet për gjashtë vjet.

Nga dëshpërimi Beqiri ka bërë një thirrje të pazakontë për të rinjtë duke u thënë që të shkojnë në organizatën islamike ISIS sepse këtu në Kosovë nuk ka perspektivë.

Këto akuza të studentëve ka hedhur poshtë nënkryetari i komunës së Ferizajt Xhavit Zariqi duke thënë se kjo komunë nuk punëson militantë partiakë.

Lidhur me ftesën e Beqirit për të shkuar në ISIS, Zariqi tha se të diplomuarit mund të shkojnë kah të duan.

Milaim Nuhiu, sekretar i organizatës “Demokracia Studentore” tha se është i detyruar të largohet nga vendi sepse nuk po gjejnë punë edhe pse ka diplomuar qe një vit dhe ka konkurruar me dhjetëra herë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë