Spekulon Vulin: Ushtria e Kosovës krijohet për të kërcënuar Serbinë e serbët

Ministri i mbrojtjes i Serbisë Aleksandar Vulin ka thënë sot se “e ashtuquajtura Ushtri e Kosovës”, është ushtri e cila krijohet për të kërcënuar Serbinë e serbët, transmeton gazetametro.net.

“Deri sa të jetë në fuqi Rezoluta 1244 në Kosovë nuk mund të ketë kurrëfarë force tjetër të armatosur pos KFOR-it. ‘Ushtria e Kosovës’ në të cilën nuk ka serbë dhe kundër të cilës janë edhe serbët edhe Serbua është ushtri e cila krijohet për t’i kërcënuar Serbinë e serbët”, ka thënë Vulin sipas medieve serbe.

Sipas tij, ato armë po u jepkan terroristëve, e jo ushtarëve të rregullt të një shteti sovran:

“T’ia japish në duar terroristëve armatimin e rëndë është kërcënim për paqen dhe rast që të përsëriten krimet e tyre”, ka thënë Vulin me rastin e miratimit të tri projektligjeve për transformimin e FSK-së në ushtri.

Vlen të përkujtohet se sot, gjatë debatit në Parlamentin e Kosovës është përmenduar se Kosovës i nevojitet ushtria për mbrojtje nga fqinji i saj veriore, ndërsa se ajo krijohet kundër serbëve – këtë vetëm Vulin mund ta imagjinojë./gazetametro.net