Loading…

Spektakël me gjashtë gola në duelin mes Anglisë e Gjermanisë

  • 26/09/2022 | 23:09

Spektakël me gjashtë gola në duelin mes Anglisë e Gjermanisë

Anglia dhe Gjermania kanë ndarë pikët në një spektakël futbolli.


Në kuadër të grupit të tretë të Ligës A të Kombeve, Anglia dhe Gjermania kanë luajtur baras 3:3.

E para skuadër që kaloi në epërsi ishte ajo e Gjermanisë, e cila gjeti golin përmes penalltisë, të cilën në gol e ktheu Ilkay Gundogan.

‘Panzerët’ shënuan edhe një herë me Kai Havertz, i cili me një super-gol dyfishoi epërsinë e kombëtares së tij.

Pas këtij goli, skena ishte për Anglinë. Anglezët gjetën tre gola të shpejtë, për të përmbysur gjithçka.

Luke Shaw (72’), Mason Mount (75’) dhe Harry Kane (83’ P) i dhanë epërsinë ‘Tre Luanëve’, me një përmbysje spektakolare.

Megjithatë, këto tri gola nuk mjaftuan për të mbytur dëshirën dhe moralin e Gjermanisë.

Skuadra e Hansi Flick gjeti forcën të reagonte edhe një herë. Ishte përsëri ylli i Chelsea, Havertz i cili gjeti golin në minutën e 87’, kur goditja e Gnabry u kthye në këmbët e tij, pas pritjes së Pope.

Nga më meritorët për këtë barazim të Gjermanisë ishte edhe Marc Andre ter Stegen që bëri disa pritje vendimtare.

Me këtë barazim, Gjermania qëndron në pozitën e tretë, me shtatë pikë të tubuara, kurse Anglia mbetet në pozitën e fundit me tri pikë në gjashtë ndeshje.

Italia është e para në grupin 3 të Ligës A, me 11 pikë, kurse Hungaria e dyta, ka 10 pikë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë