Spalletti lëvdon Zhegrovën pas fitores ndaj Chelsea, i tërheqi edhe vërejtjen ama

Edon Zhegrova vazhdon të jetë një nga emrat më të spikatur te Juventusi gjatë fazës përgatitore, pasi shkëlqeu edhe në fitoren 1-0 ndaj Chelseat në miqësoren e zhvilluar në Hong Kong. Sulmuesi i Kosovës realizoi golin e vetëm të takimit pas një asisti të Kenan Yildiz, ndërsa paraqitja e tij u vlerësua maksimalisht edhe nga trajneri Luciano Spalletti.

Italiani theksoi se nuk e çmon vetëm golin e Zhegrovës, por edhe angazhimin dhe mënyrën se si ai u paraqit gjatë gjithë ndeshjes.

“Zhegrova shënoi një gol të shkëlqyer, por gjëja më e rëndësishme ishte paraqitja dhe qëndrimi i tij gjatë gjithë ndeshjes”.

“Ai e humbi topin disa herë, por njëkohësisht tregoi se çfarë është në gjendje të bëjë kur e ka topin në këmbë. Një futbollist nuk duhet të ndalet kurrë së punuari për t’u bërë më i fortë”, deklaroi Spalletti.

Organizatorët e shpallën Zhegrovën lojtarin e ndeshjes, pasi përveç golit, ai kishte edhe momente shumë të bukura gjatë ndeshjes.

Brav’uomo: Edon Zhegrova më i miri në fitoren ndaj Chelsea, shënoi një gol të bukur