Loading…

Smajl Latifi: Qeveria nuk e mbështeti Rahovecin në projektligjin e buxhetit

  • 05/12/2022 | 20:38

Smajl Latifi: Qeveria nuk e mbështeti Rahovecin në projektligjin e buxhetit

Smajl Latifi, kryetar i Komunës së Rahovecit, është ankuar se Qeveria e Kosovës nuk e ka përkrahur Komunën e Rahovecit për sa i përket projektligjit të buxhetit për vitin 2023.


Ai ka thënë se pos që nuk janë mbështetur me ndonjë projekt konkret janë larguar edhe disa projekte të rëndësishme që financoheshin nga Qeveria.

“Ne kemi shumë pak mbështetje financiare sipas projektligjit për buxhetin e vitit 2023. Ne kemi edhe largim nga kodet që janë financuar nga Qeveria e Kosovës si bie fjala trajtimi dhe rregullimi i shtratit të përroit Hoqë e Madhe, Bresoc, Hoqë e Vogël, Nagavc deri në Krushë. Ka qenë projekt që është financuar nga Qeveria e Kosovës dhe nuk e di pse e kanë larguar këtë projejkt”, ka thënë Latifi në “Frontal” të T7.

Ai e ka përmendur edhe një qerdhe në qytet si dhe një shkollë në një fshat në Pastasel të Rahovecit.

Latifi ka thënë se i kanë kryer të gjitha obligimet me kohë. Mandje ka treguar se ka pasur takime miqësore me ministrin e Kulturës, Hajrullah Çeku dhe atë të Infrasrukturës, Liburn Aliu.

“Kemi pas takime miqësore me ministrin e Kulturës, Hajrullah Çeku, por edhe Liburn Aliu. Ne e kemi arsyetu mjaftueshëm, mandje edhe takime fizike që i kemi pasur me ministrat e linjës”, ka thënë ai.

I pyetur në këtë situatë mos ka ndikuar përkatësia e tij politike si pjesë e AAK-së, ndërkaq Qeverinë e drejton VV-ja, Latifi ka thënë se për këtë duhet të pyetet Kurti dhe ministrat e tij.

Sipas një raporti të Institutit GAP, Qeveria e Kosovës i ka favorizuar komunat që drejtohen nga VV-ja. /Express

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]o.net
[email protected]
Adresa: Rr. Tringë Smajli, Nr. 16
Prishtinë 10000
Kosovë