S’ka kosovarë të lënduar në sulmin e Londrës

Pas sulmit  të sotëm në Britani të Madhe, ku deri më tani raportohet për 4 të vdekur, e 20 të lënduar, ka reaguar Ambasadori i Kosovës atje, Lirim Greiçevci, ai ka thënë se në mesin e viktimave deri më tani nuk raportohet se ka edhe kosovarë.

“Ambasada e Kosovës në Londër është duke e përcjellë me vëmendje situatën e krijuar pas sulmit terrorist afër Parlamentit Britanik. Deri më tani nuk kemi informacion që ka ndonjë shtetas të Kosovës të lënduar në këtë sulm. Ne do të jemi në kontakt të vazhdueshëm me autoritetet në Londër dhe do të vazhdojmë ta monitorojmë situatën”, thuhet në njoftimin e Ambasadorit Greiçevci, përcjell gazetametro.net

Për çdo informatë ose kërkesë ofrohet ky numër emergjent: +447711077298. /gazetametro.net