Loading…

Simite me hudhër dhe vaj ulliri: Për adhuruesit e kuzhinës mediterane

  • 27/11/2021 | 09:07

Simite me hudhër dhe vaj ulliri: Për adhuruesit e kuzhinës mediterane

Simite të buta dhe të shijshme nuk do t’ju lënë indiferentë.


Përbërësit:

– 1 kg miell,
– 2 vezë,
– ½ l qumësht,
– 1 dl ujë,
– 1,5 dl vaj,
– një kube tharmë,
– një lugë e vogël sheqer,
– një lugë e vogël kripë
– 1 vezë për lyerje,
– 1 dl vaj ulliri,
– 3 thelpinj hudhre,
– rigon sipas dëshirës.

Përgatitja:

Në pak qumësht dhe sheqer shtoni tharmin dhe lëreni disa minuta që të bymehet. Ndërkohë trazoni dy vezë.

Shtoni qumështin, ujin, sheqerin, kripën dhe vajin. Shtoni tharmin dhe përzieni ngadalë.

Gradualisht shtoni miellin dhe me duar ngjisheni brumin. Kur të mos ngjitet për duar, brumi është i gatshëm.

Brumin lëreni në një enë dhe lyeni me pak vaj apo ujë në mënyrë që të mos bëjë kore. Mbulojeni brumin dhe enën me leckë të njomur dhe lëreni dy orë që të bymehet.

Kur brumi të bymehet, formoni 12 topa të vegjël. Radhisni në tepsi të mbështjellë me letër për pjekje dhe lëreni të qëndrojë 30 minuta.

Lyeni topat me një vezë të tundur dhe piqni në 180 gradë derisa të marrë ngjyrë ari.

Kur simitet të piqen, lyeni me marinadë nga vaji i ullirit, me hudhrën e grirë imët dhe me rigon.

Lërini simitet të thithin marinadën, dhe pastaj kënaquni me shijen e tyre.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë