Sibel Halimi e LDK’së heq dorë nga kandidimi për deputete, mbetet në strukturat qendrore

Anëtarja e Kryesisë së Lidhjes Demokratike të Kosovës, Sibel Halimi, bëri të ditur se nuk do të garojë për mandat deputeti në zgjedhjet e 7 qershorit, transmeton Gazeta Metro.

Ajo sqaroi se ky vendim nuk nënkupton distancim nga veprimtaria politike, por një qasje ndryshe ndaj saj.

“Angazhimi politik nuk e merr kuptimin nga një kandidim personal, por nga besnikëria ndaj idesë që përfaqëson shkroi ajo.

Halimi theksoi se do të vazhdojë të jetë pjesë e organeve qendrore të partisë, duke shprehur gjithashtu mbështetje për kryetarin Lumir Abdixhiku, të cilin e vlerëson si përfaqësues të një mënyre tjetër të të bërit politikë në vend./gazetametro.net