Si e mbrojti avokatja franceze Haradinajn

Rachel Lindon, avokatja franceze që është caktuar për të mbrojtur ish-kryeministrin e Kosovës dhe liderin e Aleancës për Ardhmërinë e Kosovës (AAK), Ramush Haradinajn, ka thënë sot para gjykatësve franceze se akuza që qëndron në Interpol për klientin e saj është e kundërligjshme, sepse Haradinaj tashmë është liruar nga ato akuza.

Lindon është shprehur e bindur se rezultati përfundimtar i këtij gjykimi do të jetë lirimi përfundimtar i kreut të AAK-së, refuzimi i kërkesës së Serbisë për ekstradimin e tij dhe anulimi i akuzave në Interpol për ish-gjeneralin e Ushtrisë Çlirimtare të Kosovës.

“Rezultati padyshim do të jetë anulimi i akuzave në Interpol të cilat janë të pavend dhe kërkesa për ekstradim duhet të refuzohet”, ka thënë Lindon.

“Njoftimi në Interpol është i paligjshëm”, tha ajo para gjykatësve, transmeton gazetametro.net

Avokatja vazhdoi duke treguar se klienti i saj është liruar nga këto akuza në vitin 2012 nga Gjykata Ndërkombëtare në Hagë.

Ajo poashtu edhe akuzoi Serbinë se po shkelë rezolutën e Organizatës së Kombeve të Bashkuara duke guxuar të bëjë kërkesë për ekstradim të ish-kryeministrit të Kosovës. /gazetametro.net.