Loading…

Shtyhen edhe kimioterapitë për pacientët me kancer: Klinika e Onologisë jep detaje

  • 16/03/2020 | 09:59

Shtyhen edhe kimioterapitë për pacientët me kancer: Klinika e Onologisë jep detaje

Pacientët e sëmurë nga kanceri nuk kanë marr shërbimin e kimioterapisë dhe rrezatimit ditën e sotme, dhe nuk do të marrin të paktën deri javën tjetër.


Kjo për faktin se Klinika e Onkologjisë i është bashkuar vendimit të menaxhmentit të QKUK-së për të pezulluar shërbimet ambulantore për shkak të situatës së krijuar me koronavirusin, shkruan Gazeta Shneta.

Drejtori i Klinikës Dr. Ilir Kurtishi, ka deklaruar për Gazetën se shtyrja e terapive dhe rrezatimeve është vendim i kolegjiumit të klinikës në mënyrë që të ruhet imuniteti i pacientëve.

“Vendimin për shtyrje e kemi marr sot në mbledhjen e mëngjesit. Është për të mirën e pacientëve sepse këto terapi dhe rrezatimet janë shërbime ambulantore, pacientët mund të jenë të ekspozuar ndaj virusit dhe nëse marrin terapinë atëherë imuniteti i tyre është shumë i ulët dhe mund të jenë shumë të rrezikuar”, ka deklaruar Kurtishi.

Ai ka thënë se shtyrja e terapisë nuk përbën problem për gjendjen e tyre shëndetësore, pasi thotë se edhe në raste të tjera ndodh që pacientëve t’iu shtyhet terapia për arsye të tjera.

Kurtishi ka deklaruar se javën tjetër do të shqyrtohet sërish kjo gjendje, ndërsa ka konfirmuar se hapësirat e klinikës do të dezinfektohen.

Kujtojmë se menaxhmenti i QKUK-së ka marr vendim dje për pezullimin e operacioneve jo-emergjente, shërbimeve ambulantore dhe shërbimeve tjera terapeutike.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë