Loading…

Shqiptarët lihen jashtë njësive speciale nga shteti Maqedonas

  • 11/07/2017 | 14:30

Shqiptarët lihen jashtë njësive speciale nga shteti Maqedonas

Në Maqedoni ende nuk shihen në sy të mirë të rinjtë shqiptarë, e posaçërisht kur bëhet fjalë për të qenë në radhët e njësiteve speciale ushtarake dhe policore.


Ky problem vazhdon të jetë i heshtur, edhe nga përfaqësuesit ndërkombëtar, të cilët mbështesin nëpërmjet projekteve të ndryshme trajnimet dhe përforcimet teknike dhe logjistike të këtyre njësiteve të Armatës së Maqedonisë (ARM) dhe Ministrisë së Punëve të Brendshme (MPB).

Njësitet e ARM’së: “Ujqit” (Volci) nuk kanë asnjë shqiptarë, njësitet Renxherët” kanë një apo dy shqiptarë, njësitet “Shkorpionët” gjithashtu kanë apo nuk kanë shqiptarë, sepse të dhënat janë tejet diskrete dhe nuk bëhen publike nga ana e këtyre strukturave të sigurisë.

Edhe në pjesën e njësiteve policore duke filluar nga njësitet “Tigrat” apo të njohur si ESZ gjithashtu nuk ka shqiptarë dhe kjo është një nga forcat elite policore.

Kohë më parë, mediet maqedonase sollën rrëfimin e një kandidati shqiptar nga radhët e ARM’së që disa herë është rrëzuar, me qëllim të mospranimit të tij. Mungesa e besimit dhe injoranca e vazhdueshme ka lënë jashtë të rinjtë shqiptarë, të cilët nuk hezitojnë të jenë pjesë e këtyre formacioneve elite, por me një frymë krejtësisht tjetër.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë