Shqipëria vendi i dytë më i varfër në Europë

Që Shqipëria e shqiptarët janë të varfër kjo nuk do mend, por nga ana tjetër duket se kemi edhe përfaqësuesit politikë më të pasur. Me një raport të tijin, Qendra Europiane e Statistikave, Eurostat ka bërë të ditur se vendi ynë është i dyti më i varfër në Europë, tranmseton Gazeta Metro.

Të ardhurat mesatare për frymë në Shqipëri janë sa vetëm 30 për qind e vendeve anëtare të BE-së. Në vitin 2015, vendi me standarde më të ulëta se Shqipëria në Europë ishte Bosnje Hercegovina me vetëm 28 për qind të të ardhurave për frymë krahasuar me BE-në.

Sipas Eurostat nga viti  2004 deri në vitin 2012 të ardhura për frymë janë rritur me më shumë se 10 për qind, ndërsa pas këtij vitit rritja e të ardhurave është ngrirë në shifrën e 1 përqindëshit.