Shqipëria merr edhe një medalje në peshëngritje në ‘Taranto 2026’

Shqipëria ka siguruar një tjetër medalje në Lojërat Mesdhetare “Taranto 2026”, kësaj here përmes peshëngritjes.

18-vjeçarja Enkileda Carja është renditur e treta në kategorinë deri në 69 kilogramë, në disiplinën e stilit shkëputje.

Carja realizoi provën e saj më të mirë me 100 kilogramë, rezultat që i mjaftoi për të siguruar medaljen e bronztë në një garë ku morën pjesë gjithsej 11 peshëngritëse.

Kjo është medalja e radhës për delegacionin shqiptar në Lojërat Mesdhetare, pasi më herët edhe Briken Calja kishte arritur të fitojë dy medalje. Me suksesin e Carjës, Shqipëria numëron tashmë gjashtë medalje në “Taranto 2026”.