Shpend Ahmeti ia hedh topin kryeministrit për heqjen e flamurit ‘te rrethi’

Kryetari i Komunës së Prishtinës ia ka hedhur topin Qeverisë së Kosovës për heqjen e flamurit kombëtar dhe vendosjen e atij shtetëror në hyrje të kryeqytetit.

Ai është thirrur në dy ligje të Kosovës për simbolet shtetërore dhe për protokollin e shtetit, shkruan gazetametro.net.

Ahmeti ka cituar ligjin ku thuhet se në raste festash protokolli detyron kryeministrin që me anë të një komisioni të vendos rreth vendosjes së simboleve shtetërore.

Po ashtu, në ligj citohet edhe pjesa ku thuhet se vendosja e simboleve shtetërore bëhet me autorizimin e kryeministrit.

‘Besoj se dihet që 10 vjetori është eveniment shtetëror’, ka thënë Shpend Ahmeti duke u munduar ta heqë nga vetja përgjegjësinë.

Ndërkohë, komuna e Shpend Ahmetit kishte reaguar shpejt kur nga aty ishte larguar flamuri kombëtar me një simbolikë të një artisti.

Ndryshe, ditëve të fundit është hapur një debat ku kërkohet heqja e flamurit kombëtar nga vendi i njohur si ‘te rrethi’ dhe vendosja e atij shtetëror./gazetametro.net