‘Shmangie e domosdoshme e zgjedhjeve’: Abdixhiku tha se po përpiqen për një marrëveshje, do të ketë takime të radhës

Pas rreth dy orësh takim mes dy liderëve partiak të Lëvizjes Vetëvendosje (LVV) dhe Lidhjes Demokratike të Kosovës (LDK) ajo që u deklarua se s’ka pajtim për marrëveshje por ka një ujdi për t’u përpjekur për një marrëveshje, transmeton Gazeta Metro.

“Folëm për stabilitetin e domosdoshëm institucional në Republikën e Kosovës dhe shmangien e domosdoshme e zgjedhjeve të ardhshme të zgjedhjeve me radhë,  të katërtat në më pak se një vit e gjysmë” tha Abdixhiku pas takimit dhe shtoi se në këtë fazë janë dakorduar që të vazhdojnë me diskutime.

Ai e theksoi se nuk ka asgjë për t’u prezantuar ende e as mund të flasin për hollësi por se po flasin për bashkërendim të parimeve. I pyetur nëse ka mbështetjen e partisë ai tha se s’ka asgjë tani për tani për t’iu prezantuar atyre që të miratojnë më pas.

“Për marrëveshje të mirë jemi të unifikuar”, ka thënë ai kur u pyet për mosmarrëveshjet në LDK.

Kreu i LVV Kurti pak para Abdixhikut deklaroi se po flasin për një ‘ndërmarrje të gjerë” me LDK’në me një qasje mjaft më pozitive se sa është parë deri më tani./gazetametro.net