Loading…

Shkëlqen Bardhi, ia mohon tri pikë Atletico Madridit

  • 28/10/2021 | 23:44

Shkëlqen Bardhi, ia mohon tri pikë Atletico Madridit

Ka përfunduar ndeshja e fundit e xhiros së 11 të La Ligas spanjolle mes skuadrës së Levantes dhe kampionit aktual Atletico Madridit, ku pas 90’ minutave nuk ka fitues në “Ciutat de Valencia”.


Fillimisht, rezultatin i pari e zhbllokoi Atletico Madridi përmes sulmuesit francez Antoine Griezmann, i cili shënon në minutën e 12’ për 1:0, përcjell KosovaPress.

Golin e barazimit Levante e gjeti nga pika e bardhë, ku nga penalltia shënon mesfushori Enis Bardhi në minutën e 37’ për 1:1.

Pjesën e dytë më mirë e nisi Atletico, ku në minutën e 76’ sulmuesi brazilian Matheus Cunha shënon për 2:1. Gëzimi i mysafirëve zgjati deri në minutën e 90’ të ndeshjes, pasi që përsëri pas një penalltie të akorduar në favor të Levantes, mesfushori Enis Bardhi shënon për 2:2.

Goli i Bardhit ishte i fundit në ndeshjen e sotme, dhe gol tejet i rëndësishëm për të arkëtuar një pikë kundër kampionit të La Ligas.

Me pikët e reja, Atletico Madridi tani zë vendin e gjashtë në tabelë me gjithsej 19 pikë, aq sa ka edhe Rayo Vallecano në vendin e pestë, dhe Osasuna në vendin e shtatë, kurse Levante pozicionohet në vendin e parafundit në tabelë, respektivisht në të 19 me vetëm gjashtë pikë të arkëtuara.

Rezultati final i ndeshjes mes Levante e Atletico Madrid është i barabartë 2:2.

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë