Shi dhe borë: Ky do të jetë moti për fundjavë

Ditëve në vijim pritet të kemi mot më dinamik, me kalimin nga rajoni të dy vorbullave ciklonike nga perëndimi i kontinentit. Njëra pritet të kaloj të mërkurën, që do të sjellë kushte për reshje shiu, ndërsa ditëve të fundjavës një tjetër vorbull pritet të kaloj më në jug të rajonit, e me shtrirjen e masave më të ftohta ajrore nga veriu do të kushtëzojë mundësi edhe për reshje bore.

9.02 – Mot me vransira dhe intervale me diell. Në mëngjes në vise të ulëta mundësi për mjegull.
10.02-11.02 – Mot i ftohtë dhe i vranët. Të shtunën paradite fillojnë të reshura shiu, që gjatë ditës do të shndërrohen në reshje të qëndrueshme bore. Reshjet e borës kohëpaskohe vazhdojnë edhe ditën e diel.
Moti dinamik gjatë ditëve të ardhshme me erëra, pritet të sjell përmirësim në vlerat ditore të AQI që do të luhaten në mes vlerave të mira dhe mesatare, ndërsa të premten vlerat maksimale kanë tendencë të rriten edhe në të pashëndetshme.

Temperaturat e ajrit vazhdojnë të mbesin mbi vlera mesatare, e në fundjavë do të zbresin rreth këtyre vlerave. Minimalet do të luhaten nga -2C deri në 2C, e ato maksimale nga 8C deri në 9C, e në fundjavë do të zbresin në 2C deri 4C.
Era do të fryejë mesatarisht e fuqishme nga juglindja-jugperëndimi 7-10m/s, me hove deri në 15m/s.
Shtypja atmosferike do të zbres rreth vlerave normale./gazetametro.net