Shefqet Krasniqi: Nuk ndikova që të shkojnë njerëzit në Siri

Ish krye imami i Xhamisë së Madhe të Prishtinës, Shefqet Krasniqi, ka filluar të merret në pyetje para trupit gjykues.

I pyetur nga avokati i tij mbrojtës, Sevdali Zejnullahu, se me çfarë temash ka ligjëruar para masës, Krasniqi është përgjigjur duke thënë se ka ligjëruar tema, të cilat i duheshin xhematit, “qoftë nga ana e besimit, aktiviteteve, etj”.

Ka thënë se në ligjëratat e tij as direkt e indirekt nuk ka ndikuar që njerëzit të shkojnë në Siri.

I pyetur nëse ka pasur raste që dikush i ka kërkuar mendim për të shkuar ose jo në Siri, Krasniqi ka thënë se ka qenë i pari që ka bërë thirrje për të mos shkuar në Siri, qoftë në tv, radio, kontakte e tribunave. Ka thënë se gjithsesi që e kanë pyetur dhe përgjigja ka qenë gjithherë e njëjtë.