SHBA’ja me pako të re armësh për Ukrainën

Pentagoni njoftoi të premten se do të dërgojë në Ukrainë armë dhe municione shtesë, në vlerë prej 820 milionë dollarësh.

Pakoja e katërmbëdhjetë e armëve për forcat ukrainase përfshin dy sisteme të mbrojtjes ajrore, më shumë municione për lëshuesit e raketave precize “Himars”, të cilat SHBA-ja filloi t’i dërgonte në qershor, rreth 150,000 fishekë municione artilerie të kalibrit 155 mm, si dhe katër radarë shtesë kundër artilerisë.

Sistemet e mbrojtjes kundërajrore, të njohura si NASAMS, janë sisteme të raketave tokë-ajër me rreze të shkurtë dhe të mesme veprimi.

Lëshuesit me telekomandë supozohet të ndihmojnë forcat ukrainase të mbrohen kundër raketave lundruese.

“Shtetet e Bashkuara vazhdojnë të punojnë me aleatët dhe partnerët e saj për t’i ofruar Ukrainës kapacitetet për t’i përmbushur kërkesat e saj në fushën e betejës”, tha sekretari për shtypin i Ministrisë së Mbrojtjes së SHBA-së, Todd Breasseale.

Me pakon e re të armëve, e cila mbështetet në furnizimet ushtarake amerikane, vlera e totalit të alokimeve për Ukrainën nga SHBA-ja ka arritur në 6.9 miliardë dollarë, që nga fillimi i pushtimit rus të Ukrainës.

Ukraine will receive:

– 600 tanks
– 500 artillery systems
– 600 000 shells
– 140 000 anti-tank weapons

Speaking on the final day of the NATO summit, Biden revealed that the U.S.has gathered a coalition of 50+ countries to donate new weapons to Ukraine. pic.twitter.com/76EG7Prb9I

— Visegrád 24 (@visegrad24) June 30, 2022