Loading…

SHBA zgjat mbylljen e pjesshme të kufirit me Meksikën

  • 22/07/2021 | 08:12

SHBA zgjat mbylljen e pjesshme të kufirit me Meksikën

Meksika dhe SHBA-ja do të vazhdojnë të kufizojnë kalimet në kufirin e tyre të përbashkët deri më 21 gusht, për të frenuar përhapjen e COVID-19, njoftoi sot Ministria e Jashtme e Meksikës.


“Qeveria e SHBA-së na ka informuar vendimin për të zgjatur mbylljen e pjesshme të kufirit edhe për një muaj tjetër”, shkroi Ministria e Jashtme në Twitter.

Kufizimet e trafikut tokësor midis dy vendeve u vunë në zbatim më 21 mars 2020, në mënyrë që të frenohej përhapja e COVID-19.

Që nga ajo kohë, të dyja vendet e kanë mbajtur kufirin të mbyllur për turistët ose vizitorët rastësorë, raporton ATSh.

Megjithatë është i autorizuar kalimi i mallrave, si edhe lëvizja e punëtorëve ose studentëve.

Qeveria meksikane planifikon të përfundojë vaksinimin e popullsisë së komunave të saj në kufi me SHBA-në, me synimin për të rihapur kufirin e saj verior.

Meksika, me një popullsi prej 126 milionë banorësh, e nisi programin e saj të vaksinimit për të gjithë të rriturit në zonën kufitare më 17 qershor, me doza të vaksinës Johnson & Johnson të ofruara nga qeveria e SHBA-së.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë