Shala i LDK’së: Kam qenë dhe jam kundër bashkëpunimit me LVV’në, por vendos partia

Anëtari i kryesisë i LDK-së Kujtim Shala, ka folur rreth bashkëpunimit të mundshëm me LVV-në pas zgjedhjeve të 7 qershorit.

“Për këtë duhet një qëndrim i partisë, sepse ne s’kemi bashkëpunuar me Lëvizjen Vetëvendosje në dy palë zgjedhjet e fundit dhe ka pasur qëndrim të Këshillit të Përgjithshëm të partisë”, deklaroi Shala në Rubikon të Klan Kosovës të mërkurën.

Ai tha se ka edhe qëndrim personal rreth kësaj çështje.

“Është qëndrim i njohur, e dinë edhe kolegët, e dini edhe ju dhe të gjithë ata që kanë interes. Unë kam qenë kundër dhe jam kundër. Por, unë nuk e përcaktoj qëndrimin e partisë. Duhet të vendosë shumica sikur edhe rastet e tjera”, shtoi ai në Klan Kosova.