Sërish me aksion PSD’ja: I shkruajnë një mesazh Konjufcës në veturën e tij

Partia Socialdemokrate (PSD) ka realizuar sot një aksion simbolik para Kuvendit të Kosovës, transmeton Gazeta Metro.

Ata në këtë aksion kanë shkruar ”edhe asi, edhe ksi” në veturën e kryeparlamentarit, Glauk Konjufca.

Aktivisti i kësaj partie, Zgjim Hyseni përmes një postimi në Facebook e ka quajtur Konjufcën ”i shpërfytyruar”.

”Ky është Glauku i shpërfytyruar. “Edhe ksi edhe asi”: kjo është parrulla që kemi shkruar në njërin nga xhipat e Glauk Konjufcës. Kështu lexohen qëndrimet e tij. Pasi ta degjosh deklarimin, përmbyse atë dhe kështu del e vërteta e tij. Ky është Glauku i shpërfytyruar,” ka shkruar ai.

Gjithashtu, kujtojmë se gjatë kësaj jave aktivistë të PSD’së e kanë gjuajtur me tortë dhe pije milkshake zëvendëskryeministrin e Kosovës, Besnik Bislimi. /gazetametro.net