Loading…

Serie A del me vendim të rëndësishëm pas ngjarjeve të fundit në Ukrainë

  • 25/02/2022 | 13:49

Serie A del me vendim të rëndësishëm pas ngjarjeve të fundit në Ukrainë

Ndeshjet e xhiros së 27’të të Serie A do të fillojnë me pesë minuta vonesë si lloj i protestës për luftën që është duke ndodhur mes Ukrainës dhe Rusisë, transmeton Gazeta Metro.


Federata Italiane e Futbollit ka njoftuar sot se të gjitha ndeshjet nga Serie A e deri tek ligat amatore do të fillojnë me pesë minuta vonesë duke aluduar se duhet rritur ndërgjegjësimi për respektin, për jetën njerëzore dhe nevojën për të gjetur një zgjidhje diplomatike për krizën në Ukrainë.

Pas marrjes së këtij vendimi ka folur edhe presidenti i Federatës Italiane të Futbollit duke thënë se sporti nuk bën politikë, por bën thirrje me zë të lartë për paqe, ai ndër të tjera shtoi se:

“Vlerat universale të sportit kërkojnë që ne të reflektojmë. Ne nuk duam të largohemi. Duke interpretuar një ndjenjë të përhapur në opinionin publik italian, që përshkon edhe botën tonë, duam të dërgojmë një mesazh të qartë: lëvizja kombëtare e futbollit është e ndjeshme dhe shumë e shqetësuar për atë që po ndodh në këto orë”, ka deklaruar presidenti i FIGC’së, Gabriele Gravina.

Sot zhvillohen dy ndeshjet e para të javës së 27’të të Serie A ku do të përballen Milan-Udinese dhe Genoa-Inter. /gazetametro.net

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë