Serbia e shqetësuar për situatën në Kosovë

Serbia është një vend  i qëndrueshëm dhe nuk ka mundësi të kërcënimit të paqes dhe sigurisë në territorin e saj, u tha sot në këshillin  e sigurisë kombëtare.

Në këtë këshill u diskutua kryesisht rreth situatës politike dhe të sigurisë në Serbi, në rajon dhe për situatën në Kosovë, sidomos pas iniciativës së fundit për ndërprerjen e dialogut me Beogradin dhe formimin e Ushtrisë së Kosovës.

Ky këshill arriti në përfundim se situata në rajon është e trazuar dhe komplekse, dhe se shteti i Serbisë ka investuar në këtë pjesë të Evropës për të ruajtur paqen dhe stabilitetin si dhe që është duke u munduar të krijojë marrëdhënie të mira me popujt e ndryshëm, si dhe me grupe të ndryshme religjioze.

Në të njëjtën kohë, Këshilli u bëri thirrje serbëve në Kosovë që të jenë tërësisht unik me organet shtetërore të Republikës së Serbisë, dhe të veprojnë politikisht për të  mbrojtur interesat e popullit dhe vendit të Serbisë.

Në mbledhje kanë marrë pjesë zyrtarët më të lartë të Serbisë, përfshirë Presidentin, Tomislav Nikoliq dhe Kryeministrin, Aleksandar Vucic./gazetametro.net