Loading…

S’e ndalojnë dy humbjet radhazi: Flick deklaron se Barcelona synon La Ligën dhe Ligën e Kampionëve

  • 02/11/2026 | 16:56

S’e ndalojnë dy humbjet radhazi: Flick deklaron se Barcelona synon La Ligën dhe Ligën e Kampionëve

Trajneri i Barcelonës, Hansi Flick, nuk ka ndërmend të ndryshojë ambiciet e skuadrës, pavarësisht dy humbjeve të fundit ndaj Paris Saint-Germainit dhe Real Madridit.


Tekniku gjerman ka bërë të qartë se objektivat e klubit mbeten të njëjta: fitimi i La Ligës dhe Ligës së Kampionëve. Ai beson se Barcelona ka cilësinë e nevojshme për të luftuar për të dy trofetë.

“Objektivat tona janë ta fitojmë La Ligën dhe Ligën e Kampionëve. Jam i bindur se kemi cilësinë e nevojshme për t’ia dalë. Asgjë nuk ka ndryshuar pavarësisht humbjeve”, deklaroi Flick në konferencë për media.

Ai pranoi se disfatat ndaj PSG-së dhe Real Madridit ishin zhgënjyese, por theksoi se skuadra duhet të përqendrohet te sfidat e ardhshme, pa u ndalur te rezultatet e kaluara.

“Unë nuk dua të fokusohem te humbjet apo fitoret, por gjithmonë mendoj për ndeshjen e radhës”, u shpreh trajneri.

Flick foli edhe për përballjen me Aston Villan në Ligën e Kampionëve, duke vlerësuar trajnerin Unai Emery dhe organizimin e skuadrës angleze.

Synimi i Barcelonës, sipas tij, është ta përfundojë fazën e ligës në mesin e tetë ekipeve të para.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë