Loading…

Schwarz: 50% e ambasadorëve do të jenë diplomatë karriere

  • 25/05/2021 | 10:52

Schwarz: 50% e ambasadorëve do të jenë diplomatë karriere

Ministrja e Punëve të Jashtme, Donika Gërvalla në raportimin e saj në Komisionin për Punë të Jashtme dhe Diasporë ka thënë se do të rishikojnë vendosjen e ambasadave në shtetet përkatëse.


Gërvalla para deputetëve u shpreh se do të dalin me një listë se ku duhet të jenë prioritet për hapjen e ambasadave.

“Ligji për Shërbimin e Jashtëm do të vërë në pikëpytje të gjitha ambasadat, konsulatat në secilin veç e veç do të shikojmë në çfarë konkurence është në shtetet që nuk jemi të pranishëm e që do të duhet të jemi, duhet të jemi të kujdesshëm ku i vendosim apo ku nuk i vendosim ambasadat tona. Do të dalim me propozim publik me një listë të qartë se ku janë prioritetet ku duhet të jenë ambasadat tona”, ka thënë Gërvalla.

Ajo tutje u shpreh se ambasadorët do të jenë 50% diplomatë karriere.

“Proporcioni politik nuk do ta kalojë 50 %, pra 50 përqind do të jenë diplomatë të karrierës, konsuj politikë nuk do të ketë në qeverinë tonë. Kjo nënkupton që ne me shumë kujdes duhet të ndërtojmë akademinë diplomatike, që do t’i përgatisë diplomatët tanë seriozisht”, ka thënë ajo.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë