‘S’bëjmë pazare’, Hamza: Kurti na e ofroi Kryetarin e Kuvendit në këmbim të votës për Presidentin

Kreu i PDK-së, Bedri Hamza, nxjerri në pah detajet e komunikimit të fundit me Albin Kurtin lidhur me presidentin, duke e cilësuar propozimin e tij si krejtësisht të pakuptimtë, transmeton Gazeta Metro.

Sipas Hamzës, Kryeministri i ka ofruar Partisë Demokratike postin e Kryetarit të Kuvendit, me kushtin që VV-ja të marrë në këmbim pozitën e nënkryetarit që aktualisht e mbajnë opozitarët.

Hamza u tregua i prerë para gazetarëve, duke sqaruar se PDK-ja nuk është e interesuar për “pazare” me karrige që tashmë janë të zëna dhe procese që kanë përfunduar me kohë. Ai bëri të qartë se prioriteti i tyre është shteti dhe jo rehatimi i individëve nëpër zyra.

“Sepse kryesia e Kuvendit është konstituar, Kuvendi është i konstituar, janë zgjedhur janë të votuar. Nuk e kemi kontestuar këtë çështje, nuk jemi duke folur për kryetar të Kuvendit. Nuk kemi shkuar të lypim pozitë as për vetë as për ndonjërin nga anëtarët e Partisë Demokratike. Kemi shkuar që me i dhënë vendit institucione dhe stabilitet politik. Kjo nuk është fare serioze”, deklaroi Hamza para mediave./gazetametro.net

Hamza: Kosova po mbahet peng nga kalkulimet e pushtetit

PDK për Presidentin: E konsiderojmë të përmbyllur kontributin tonë, fajin e ka pushteti