Sanchez drejt rikuperimit, mund të luajë ndaj Sampdorias
-
07/09/2021 | 22:36
Alexis Sanchez është stërvitur sot së bashku me pjesën tjetër të lojtarëve të Interit, kështu që mund të jetë në skuadër kundër Sampdorias.
Reprezentuesi kilian nuk ka luajtur ende këtë sezon për shkak të një problemi muskulor, përcjellë KosovaPress.
Ai është përmirësuar gradualisht pas trajtimit dhe sot për herë të parë ka punuar pjesërisht me pjesën tjetër të skuadrës në stërvitje.
Sipas “Sky Sport Italia”, ka një shans të mirë që Sanchez të jetë në stol për ndeshjen e kësaj fundjave në Serie A kundër Sampdorias.
Interi fitoi të dy ndeshjet e para të ligës kundër Genoas dhe Hellas Veronas.
Sanchez pati një seri lëndimesh edhe sezonin e kaluar dhe humbi katër ndeshjet e para të Kupës së Amerikës me Kilin për shkak të një dëmtimi në kyçin e këmbës, duke luajtur 45 minuta kundër Brazilit më 3 korrik.
