‘Rusia do përballet me pasoja’: Gjermania mbyll konsullatën ruse pas sulmit ndaj aeroportit të Leipzigut

Gjermania ka ndërmarrë masa ndaj Rusisë pas tentativës së sulmit me dron ndaj aeroportit të Leipzigut, duke mbyllur një konsullatë ruse dhe një qendër kulturore ruse në Berlin, transmeton Gazeta Metro.

Ministri i Jashtëm gjerman, Johann Wadephul, e ka cilësuar incidentin si një përshkallëzim të situatës dhe sulm hibrid, duke paralajmëruar Moskën se duhet të përballet me pasojat e veprimeve të saj.

“Rusia duhet të jetojë me pasojat”, është mesazhi i fortë i përcjellë nga shefi i diplomacisë gjermane, pas asaj që Berlini e konsideron një veprim të rëndë ndaj infrastrukturës së saj.

Në të njëjtën kohë, edhe Franca ka reaguar ndaj incidentit, duke thirrur një përfaqësues të ambasadës ruse në Paris për të dhënë shpjegime lidhur me tentativën e sulmit me dron.

Moska, ndërkaq, i ka hedhur poshtë akuzat, duke i cilësuar ato si të fabrikuara dhe të pavërteta.

Përplasja diplomatike është përshkallëzuar më tej pasi Gjermania është kërcënuar me sulme të drejtpërdrejta në shenjë hakmarrjeje, ndërsa autoritetet ruse pretendojnë se Berlini po përhap gënjeshtra ndaj Moskës./gazetametro.net

🇩🇪 A black mark for Putin. Germany’s foreign minister says Russia must now live with the consequences

Johann Wadephul did not mince words, directly calling the attempted attack on Leipzig Airport an escalation and a hybrid attack.

In response to the brazen move, Germany closed… pic.twitter.com/25cpDnqdn0

— NEXTA (@nexta_tv) September 2, 2026