Loading…

Rriten ndjeshëm çmimet e paketave turistike në Shqipëri: Paralajmërohet largimi i turistëve

  • 20/07/2021 | 17:45

Rriten ndjeshëm çmimet e paketave turistike në Shqipëri: Paralajmërohet largimi i turistëve

Çmimet e paketave turistike brenda dhe jashtë Shqipërisë kanë shënuar një rritje të menjëhershme javët e fundit duke shënuar një rekord të ri në krahasim me vitet e fundit.


Specialist e fushës thonë se bizneset po përpiqen të kompensojnë humbjet e pandemisë, por ky nivel çmimesh ka stepur jo vetëm pushuesit vendas po edhe të huajt. Vende si Turqia e Greqia kanë rritur ndjeshëm çmimet, si pasojë e rritjes së kërkesave me afrimin e pikut të sezonit turistik.

Çmimet e paketave turistike në Shqipëri po pësojnë rritje në krahasim me fillimin e sezonit por edhe vitet e fundit.

Specialist i turizmit Ferjot Ozuni, thotë se operatorët turistikë po stepin turistët e huaj ,me çmimet e kripura.

”Deri dje apo deri në 2019 paguaje 1000 euro në Greqi e Shqipëri për një hotel, çift, sot kjo shifër është rritur me 50 %. Kjo gjë e ka penalizuar turizmin në vendin, sepse turistët e huaj mendonin se ishte një vend që kushtonte më pak, por tashmë nuk e kanë këtë imazh.”

Sipas specialistëve të fushës duket se bizneset po tentojnë të kompensojnë shpejt humbjet e pësuara gjatë pandemisë dhe kjo mund të ndikojë në rënien e numrit të turistëve që zgjedhin Shqipërinë si destinacion për të pushuar.

”Kjo strategji e bizneseve dhe hoteleve shqiptare mund të kthehet në një bumerangë duke krijuar imazhin se është shtrenjtë se mund të stepen turistët.”

Edhe vende si Turqia e Greqia kanë rritur ndjeshëm çmimet javët e fundit ndërkohë që specialisti thotë se kjo vjen si pasojë e rritjes së kërkesave.

Megjithatë kjo nuk ka penguar vizitorët e këtyre vendeve drejt këtyre vendeve.

Shumë prej tyre kanë familjarë atje, të cilët mund t`u heqin barrën e disa prej shpenzimeve.

”Për shkak të lidhjeve që kemi me Greqinë dhe mund të na shkurtojnë shpenzimet, kjo e bën Greqinë dhe Turqinë vende të preferuara.”

Sipas statistikave të huajt që vijnë në Shqipëri janë kryesisht nga Amerika, Çekia, Polonia, dhe vendet e Ballkanit Perëndimor etj.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë