Rriten çmimet e naftës dhe benzinës në Kosovë

Ministria e Industrisë, Ndërmarrësisë, Tregtisë dhe Inovacionit (MINTI) ka përcaktuar çmimet maksimale të lejuara për derivatet e naftës që vlejnë gjatë ditës së sotme, transmeton Gazeta Metro.

Çmimi maksimal i naftës është caktuar në 1.72 euro për litër, ndërsa benzina do të shitet deri në 1.57 euro për litër. Të dyja shënojnë rritje prej dy centësh krahasuar me ditën e djeshme.

Ndërkohë, çmimi maksimal i gazit është përcaktuar në 0.63 euro për litër.

Çmimet e reja hyjnë në fuqi nga ora 10:00 dhe janë pjesë e masës së përkohshme të MINTI-t për rregullimin e tregut të derivateve dhe mbrojtjen e konsumatorëve./gazetametro.net