Loading…

Rregullat e arta të blerjes së djathit të bardhë me cilësi të mirë

  • 13/02/2022 | 21:25

Rregullat e arta të blerjes së djathit të bardhë me cilësi të mirë

Djathi i bardhë është një djathë i veçantë dhe shumë i preferuar në vendin tonë, por jo vetëm.


Ky djathë prodhohet nga qumështi i deleve ose nga përzierja e qumështit të deles me atë të dhisë, apo edhe i lopës.

Ai është i butë aq sa duhet, i bardhë si bora dhe shumë i pasur në kalcium.

Si të zgjidhni djathin më të mirë

Ekspertët e AgroWeb.org kanë listuar rregullat e arta të përzgjedhjes së djathit të bardhë më të mirë në treg.

Rregulli 1

Lexoni përbërësit dhe sigurohuni që djathi të përmbajë qumësht dele, dhie ose lope.

Për më tepër, rregulli i artë është që 30% e qumështit të përdorur për prodhimin e djathit të jetë i dhisë.

Rregulli 2

Nëse keni mundësi që të provoni djathin e bardhë, atëherë mos hezitoni.

Djathi shitet i fortë, i butë dhe me një fortësi mesatare.

Aromat e tij janë të ndryshme, në disa raste djathi është i kripur e në disa raste me arra, boronica apo spec djegës.

Rregulli 3

Djathi duhet të jetë gjithmonë i bardhë.

Nëse ai ka nuancë të verdhë, do të thotë që është ekspozuar shumë në ajër dhe nuk është ruajtur në shëllirë.

Rregulli 4

Shija e djathit është shumë specifike, e ndezur dhe e pasur.

Djathi nuk duhet të ketë shije të athët, të hidhur, të mbytyr, të vjetër apo të jetë pa shije fare.

Kijeni këtë parasysh përpara se ta blini.

Rregulli 5

Ekspertët e AgroWeb.org thonë se një kallëp djathë i bardhë duhet të ketë patjetër vrima të vockla në sipërfaqe.

Arsyet Përse Duhet Të Hani Më Shumë Djathë Të Bardhë
Ekspertët e regjimeve më të mira ushqimore dhe të aktivitetit fizik, thonë se djathi i bardhë është i jashtëzakonshëm për shëndetin.

Sipas tyre, ky djathë tretet shumë lehtë dhe nuk shkakton inflamacion.

Djathi është një burim i shkëlqyer proteine dhe kalciumi por edhe vitaminash.

Ky djathë është fantastik për shëndetin e stomakut sepse është i pasur me probiotikë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë