Rrahje në Obiliq: Lëndohen katër persona, arrestohen dy

Policia e Kosovës, ka njoftuar se në fshatin Sibovc të Obiliqit, ka ndodhur një rrahje mes katër personave, si shkak i së cilës ka pasur edhe të lënduar, të cilëve u është ofruar edhe trajtim mjekësor, shkruan Gazeta Metro.

Rreth këtij rasti, PK’ja ka intervistuar tre të dyshuar për pjesëmarrje në rrahje, ndërsa dy janë dërguar në mbajtje për 48 orë, me vendim të prokurorit.

Njoftimi i plotë:

Ndalohen për 48 orë, dy persona të dyshuar për lëndim të rëndë trupor

Sot rreth orës 11:00, kemi pranuar informatën për një rrahje në fshatin Sibovc të Obiliqit.

Menjëherë në vendin e ngjarjes kanë dalë njësitet e nevojshme policore dhe ka nisë një hetim lidhur me rastin, i cili nga prokurori është cilësuar si lëndim i rëndë trupor.

Bazuar në hetimet fillestare, gjatë përleshjes katër persona kanë pësuar lëndime trupore.

Personave të lënduar u është ofruar trajtim i nevojshëm mjekësor, ndërkohë që lidhur me rastin policia ka intervistuar tre persona të dyshuar për pjesmarrje në rrahje, dy prej të cilëve pas intervistimit, me vendim të prokurorit të shtetit janë dërguar në mbajtje. /gazetametro.net