Loading…

Roma synon transferimin e një mesfushorit nga Bayerni në janar

  • 07/12/2021 | 08:02

Roma synon transferimin e një mesfushorit nga Bayerni në janar

Roma është duke menduar ta përforcojë mesfushën gjatë afatit kalimtar të janarit.


Trajneri Jose Mourinho ka kërkuar përforcime nga klubi pasi nuk është i kënaqur me fondin aktual.

Giallorosët përforcimin e madh për mesfushën synojnë ta marrin nga Bundesliga, pasi kanë në listë dy yjet e Bayern Munichut.

Mesfushori spanjoll Marc Roca dhe ai francez, Corentin Tolisso janë në listën e Romës.

Të dy futbollistët kanë pasur shumë pak hapësira këtë edicion nga trajneri Julian Nagelsmann dhe janë gati për tu larguar.

Si Roca ashtu edhe Tolisso pëlqehen shumë nga Jose Mourinho i cili synon ta ketë njërin nga ta nën urdhrat e tij që nga muaji janar.

Për spanjollin Roca, Bayerni është i gatshëm ta lë të lirë nëse vije një ofertë rreth 10 milionë euro.

Në anën tjetër, Tolisso i cili është futur në vitin e fundit të kontratës me bavarezët mund të largohet në janar për një shumë prej pesë milionë eurove.

Gjithsesi përveç repartit të mesfushës, Mourinho synon që të përforcohet edhe në mbrojtje.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë