Loading…

Rita Ora flet për vështirësitë në Mbretërinë e Bashkuar: ‘Ndihesha e huaj’

  • 20/02/2022 | 10:48

Rita Ora flet për vështirësitë në Mbretërinë e Bashkuar: ‘Ndihesha e huaj’

Rita Ora, këngëtarja shqiptare më famë ndërkombtare ka rrëfyer copëza nga jeta e saj në Mbretërinë e Bashkuar, duke treguar se ishte mjaft e vështirë për të dhe disa herë, gjatë fëmijërisë së saj ndihej “e huaj”.


Pas një seti të mrekullueshëm për ‘ELLE Spain’, ajo zhvilloi  një intervistë në të cilën ka folur për sfidat e saj. Rita reflektoi mbi edukimin e saj dhe vështirësitë me të cilat u përball për shkak të origjinës së saj dhe sesi e përdori muzikën për të përballuar rritjen pa ‘vendin e përkatësisë’.

Ndërkohë që familja u përshtat me jetën në Mbretërinë e Bashkuar, këngëtarja foli hapur për të qenit refugjate ndërsa tha: “Mendoj se sfida e vërtetë ishte se ndihesha si një e huaj dhe se nuk kisha një vend të përkatësisë.

Po, kjo ishte gjëja më e vështirë për mua, por, siç e kam theksuar edhe më parë, muzika më ndihmoi shumë për të përballuar ato ndjenja. Pavarësisht nëse dëgjoja apo aktroja ishte mënyra ime për t’u lidhur me botën. Kjo është fuqia e fundit e muzikës: ajo na lejon të krijojmë lidhje me njerëz që ndryshe nuk do t’i kishim, na jep një ndjenjë të komunitetit dhe ndjenjën se nuk jemi vetëm në këtë planet”.

Rita tha se ishte shumë krenare për trashëgimnë e saj, ku, edhe pse Londra është shtëpia e saj, Kosova do të mbetet gjithnjë “afër zemrës”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë