Rilind Alimani publikon bashkëpunimin me Elvana Gjatën

Këngëtari i ri Rilind Alimani ka publikuar bashkëpunimin e tij “Po Du” me superyllin e muzikës, Elvana Gjata, përcjell Gazeta Metro. 

Këngës i kanë bashkëngjitur edhe videoklipin, i cili është realizuar nga Basement TV.

Pas produksionit të këngës qëndron producenti i njohur Benny Bee, i cili njihet për krijimin e disa prej hiteve më të mëdha shqiptare dhe ndërkombëtare, si “Kokaina” e Mozzik, “Si Ai” e Tayna dhe “Xhanem” e Dafina Zeqirit.

Alimani po ndërton gradualisht identitetin e tij artistik dhe po bind publikun se është një nga talentet më premtuese të gjeneratës së re.