Reja ngacmon trajnerin e Spanjës: Dy herë ke humbur kundër meje
-
26/03/2022 | 16:57
Trajneri i Kombëtares shqiptare, Edoardo Reja, ka dashur të ngacmojë homologun e tij Luis Enrique, përpara ndeshjes miqësore që Shqipëria do të luajë në mbrëmje në orën 19:45 në Barcelonë ndaj Spanjës, shkruan Gazeta Metro.
“Unë e kam njohur Enrique që nga koha kur ishim në Romë që të dy, ai te Roma dhe unë te Lazio. Ai ishte pak më i ri dhe unë disi më ekspert”, tha Reja për Enrique.
“Mua më ka shkuar mirë sepse kam fituar dy herë derbin, atij disi më keq sepse humbi. Por ndërkohë e kam thënë dhe i kam uruar që të bënte një karrierë të madhe e kështu ndodhi”, e ngacmoi Reja trajnerin e Spanjës.
Shqipëria do të tentojë sonte të mos turpërohet më sikur në ndeshjet kundër kundërshtarëve të fortë si Anglia e Franca, ndonëse ndeshja e sontme është veç një miqësore./gazetametro.net
