Loading…

Reagon Sveçla, tregon se a ka draft final të Ligjit për paga

  • 15/02/2022 | 17:19

Reagon Sveçla, tregon se a ka draft final të Ligjit për paga

Ministri i Punëve të Brendshëm (MPB), Xhelal Sveçla, ka mohuar se ka draft final të Ligjit për pagat e zyrtarëve publikë, ku përfshihen pagat për presidentin, kryeministrin e deri te rekruti i FSK’së, transmeton Gazeta Metro.


Në një postim në Facebook, Sveçla ka shkruar se raportimet për rritje pagash me Ligjin e ri për zyrtarët e institucioneve s’janë të vërteta.

“Ministria e Punëve të Brendshme dëshiron të informojë qytetarët se vala e pseudolajmeve që po përhapen me shpejtësi në mediat tona rreth ligjit për pagat e zyrtarëve publik është e pavërtetë dhe qëllimkeqe. As nuk ka draft final të ligjit për pagat e zyrtarëve publik e as nuk ka ndonjë vlerë të koeficientit. Vlera e koeficientit nuk do të jetë pjesë e ligjit për pagat e zyrtarëve publik, meqë e njejta përcaktohet me ligjin e buxhetit. Kjo valë e dezinformatave ka për qëllim krijimin e konfuzionit dhe krijimin artificial të pritjeve me idenë se këto pritje pastaj shumë lehtë mund të keqpërdoren për nxitje të pakënaqësive dhe ngritje të debateve të kota krahasuese”, ka shkruar ai.

Tutje ministri Sveçla tha se ministria që drejton do ta ndajë me publikun një draft final kurdo që ai finalizohet.

“Ju bëjmë me dije që ministria jonë do të ndajë draftin final me publikun në momentin kur i njejti të finalizohet”, ka thënë Sveçla.

Ndryshe, disa media sot kanë publikuar pjesë të dokumentit, në formë grafike, për të cilat thonë se janë pjesë e draftit të Projektligjit për pagat. /gazetametro.net

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë