Reagon ndaj arrestimit të Haradinajt
-
05/01/2017 | 12:59
Deputetja e LDK’së Vjosa Osmani ka reaguar në lidhje me ndalimin e liderit të AAK-së Ramush Haradinaj në Francë.
Osmani ka kërkuar që institucionet e Kosovës të kenë qëndrime të qarta edhe për këto çështje.
“Përderisa të vazhdojë dialogu pa asnjë kusht me një shtet që na shkaktoi mbi 13000 të vdekur, rreth 20000 të dhunuara, qindra mijëra shtëpi të djegura e rreth 1600 qytetarë tanë akoma të pagjetur, është absurde të pritet sjellje konstruktive nga Serbia”, ka thënë Osmani.
Sipas saj është pikërisht ky shtet fqinj që po vazhdon të destabilizojë rajonin me logjikë të të menduarit dhe vepruarit nga shekulli i kaluar.
“Është momenti i fundit që qasja jonë në dialog të ndryshojë dhe mos të keqpërdoret vullneti i mire dhe konstruktiviteti i Kosovës”, ka shkruar Osmani në Facebook./gazetametro.net
