Raportohet se Kurti takohet me përfaqësuesit e komuniteteve për Presidentin

Kreu i Qeverisë në detyrë, Albin Kurti, raportohet se po zhvillon një takim me përfaqësues të komuniteteve në periferi të Prishtinës, transmeton Gazeta Metro.

Takimi vjen vetëm pak kohë pas takimit me kreun e LDK’së, Lumir Abdixhiku.

Në takim po marrin pjesë Emilija Rexhepi, Fikrim Damka dhe Nenad Rashiq, ndërsa Elbert Krasniqi ka konfirmuar se nuk do të jetë pjesë e takimit.

Sipas raportimit të Klan Kosovës, në takim po diskutohet për kandidatin e përbashkët të LDK-së dhe LVV-së për President, Bekim Sejdiu, si dhe nëse përfaqësuesit e komuniteteve do të votojnë për të./gazetametro.net