Rama: Mirëukthefsh në Prishtinë i dashur Ramush

Kryeministri shqiptar, Edi Rama, i ka uruar Ramush Haradinajt, lirimin me kusht nga Gjykata franceze, duke shkruar në rrjetet sociale, “Mirëukthefsh në Prishtinë i dashur Ramush.

Mirëpo, ai ka thënë se pavarësisht mbylljes së këtij episodi, të cilin e ka quajtur absurd, beteja për fshirjen e urdhër-arresteve të vjetra do të vazhdojë.

“Momenti po ashtu, për të vlerësuar përpjekjet politike dhe diplomatike të autoriteteve në Tiranë e në Prishtinë, si edhe për të falenderuar çdo qytetar kudo ku i dha zë përpjekjes së përbashkët kundër një padrejtësie spektakolare. Dhe e përsëris, duhet të vijojmë të përpiqemi të gjithë bashkë, që të mos përsëritet më një i tillë absurditet!)”.

“Respekt për institucionet e drejtësisë franceze, që bënë drejtësi; një shembull më shumë për të çmuar vlerën jetike të drejtësisë së drejtë!”, ka shkruar Rama. /gazetametro.net