Loading…

Rama i përgjigjet MPJ’së bullgare: Hiqni veton ose më duroni mua

  • 24/06/2022 | 11:20

Rama i përgjigjet MPJ’së bullgare: Hiqni veton ose më duroni mua

Kryeministri Edi Rama përmes një postimi në Twitter i është përgjigjur ministres së Jashtme të Bullgarisë që u shpreh e indinjuar lidhur me gjuhën e përdorur nga kryeministri gjatë samitit, shkruan Gazeta Metro.


“Oh! Ministria e Jashtme e Bullgarisë ka një problem me mënyrën time të të folurit! Mjaft e drejtë. Edhe unë kam një problem me mënyrën se si Bullgaria dëshiron të zgjidhë çështjet biletarale duke përdorur procesin e zgjerimit si mjet për rrëmbimin e dy vendeve të NATO-s! Miq: Hiqni VETO-n ose duroni me mua!”

Si rezultat i bllokadës së shkaktuar nga Bullgaria, Maqedonia e Veriut dhe Shqipëria kanë ngecur në procesin e anëtarësimit në Bashkimin Evropian. Kjo ka nxitur zemërimin e madh të liderëve të dy shteteve, e ku më i drejtpërdrejtë ka qenë kryeministri Edi Rama, i cili ka thënë se Bullgaria ka marrë peng Bashkimin Evropian dhe iu ka thënë bullgarëve se “jeni një turp”.

Ndaj këtyre deklaratave të Edi Ramës kanë reaguar nga Ministria e Jashtme e Bullgarisë, duke i kërkuar Ramës kujdes për mënyrën se si shprehet.

“Bullgaria ka qenë gjithmonë ndër ato shtete anëtare të BE-së që mbështesin identitetin evropian të popullit shqiptar. U ngritëm për perspektivën evropiane të Shqipërisë dhe fillimin e negociatave të anëtarësimit në BE atëherë kur ishte shumë më e vështirë se sot. Gjatë viteve, nuk ka pasur shumë zëra të tjerë me ne në këtë kauzë. Ne ende qëndrojmë për të sot, pavarësisht gjithçkaje, për hir të një të ardhmeje të përbashkët evropiane.

Si përgjigje, jo për herë të parë, kemi dëgjuar kualifikime të rënda të pa sfiduara, fyese nga një kryetar qeverie. Bile hedhjet në një regjistër kaq të ulët gjuhësor nuk mund të justifikohen më nga karakteristikat e karakterit dhe mungesa e aftësive komunikuese evropiane. Presim që kryeministri shqiptar të marrë parasysh mjetet e tij shprehëse në një gjuhë që i përshtatet një politikani nga një vend kandidat për anëtarësim në BE.

Në këtë nivel, më shumë se çdo gjë tjetër, ne insistojmë të ruajmë një ton të mirë komunikimi. Në këtë nivel, gjithmonë është dëshmuar nga ana jonë i gjithë respekti që kërkon pozita përgjegjëse dhe niveli i marrëdhënieve ndërshtetërore. Kemi një të ardhme të përbashkët përpara me Shqipërinë. Politikanët po ikin. Kombet po qëndrojnë. Popujt tanë kanë një interes të përbashkët që nuk duhet të pengohet nga gjykimi i keq i një politikani. Është e papranueshme që marrëdhëniet mes vendeve të mbahen peng i ekscentricitetit të kryeministrit aktual shqiptar”, thuhet në reagimin e MPJ-së bullgare.

‘Jeni një turp’, MPJ bullgare i përgjigjet Ramës: Kujdes gjuhën

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë