Përfundon protesta për Haradinajn
-
21/01/2017 | 12:39
E plotësuar:
Ka përfunduar protesta në përkrahje të Ramush Haradinajt, e thirrur nga OVL e UÇK’së. Në tubim morën pjesë mijëra qytetarë.
Pjesëmarrësve iu është drejtuar edhe Fatmir Limaj, kryetari i Nisma për Kosovën, dhe Ardian Gjini i AAK’së.
Ka filluar protesta gjithëpopullore e organizuar nga Organizatat e dala nga lufta e Ushtrisë Çlirimtare të Kosovës, të cilët po protestojnë në mbështetje të liderit të AAK-së, Ramush Haradinajt.
Ka nisur grumbullimi i qytetarëve para ndërtesës së Qeverisë së Kosovës, në protestën që kërkon lirimin e ish-komandantit të Zonës Operative të Dukagjinit, ish-kryeministrit e kreut të AAK-së, Ramush Haradinaj.
Mijëra njerëz i janë përgjigjur thirrjes së shoqatave të dala nga lufta e Ushtrisë Çlirimtare të Kosovës.
Kryetari i OVL-së, Hysni Gucati, ka thënë të premten se “protesta do të organizohet për mbrojtjen e vlerave të luftës dhe në mbrojtje të gjeneralit”./gazetametro.net
