Loading…

Qumshtarët: Sulmet e Albin Kurtit favorizojnë prodhuesit serbë

  • 20/04/2017 | 18:51

Qumshtarët: Sulmet e Albin Kurtit favorizojnë prodhuesit serbë

Shoqata ‘Fermerët Kosovarë të Qumshtit’, kanë reaguar pas fjalimit të deputetit Albin Kurti dje në Kuvend, i cili sulmon fabrikën e produkteve të qumshtit ‘Vita’, pronë e kompanisë Devolli.


Në këtë reagim thuhet se, sulmet e tilla ndaj prodhuesve vendor favorizojnë produktet e Serbisë.

Lexoni të plotë reagimin e “Shoqatës ‘Fermerët Kosovarë të Qumështit’”:

Z. Kurti, duke na sulmuar ne i ndihmoni produkteve serbe

Shoqata e Fermerëvë Kosovarë të Qumështit (SHFKQ) dënon fuqishëm sulmet që po i bëhen kësaj industrie nga qarqet politike.

Ne si shoqatë kemi ngritur zërin vazhdimisht për trajtimin joadekuat që na është bërë nga institucionet shtetërore dhe tani me sulmet që kemi parë nga lideri i opozitës, z. Albin Kurti, na shqetëson edhe më tepër.

Kjo na bën të kuptojmë se klasa politike pa përjashtim, edhe pse kanë dëshirë të flasin për përkrahje, nuk i jep përparësi prodhuesit vendor, por përkundrazi e dëmton atë vazhdimisht, për fat të keq shpesh për interesa individuale partiake. Ne si shoqatë e qumështorëve sigurojmë që qumështi ynë të cilin e prodhojmë në fermat tona është i shëndetshëm dhe i përmbush të gjitha standardet më të larta evropiane.

Njëra ndër kompanitë e cila është partneri ynë më i fuqishëm, është kompania Vita. Dëmtimi dhe njollosja e produkteve të kësaj kompanie, na godet dhe dëmton drejtpërdrejt neve si furnizues i kësaj kompanie me qumësht të freskët dhe madje favorizon pandershëm prodhuesit e huaj, përfshirë edhe nga Serbia.

Vetëm anëtarët tanë për çdo vit i shesin kompanisë Vita nga 2 milionë litra qumësht të freskët në muaj. Kjo i bie se rreth 1800 fermerë varen nga kjo kompani dhe sulmi ndaj saj është edhe sulm direkt ndaj nesh. Prandaj është momenti i fundit që klasa politike të vetëdijesohet se prodhimi dhe prodhuesi vendor janë kyq për ekonominë e vendit dhe ai duhet të përkrahet dhe jo të sulmohet për inate politike. Është momenti i fundit që klasa politike të mbajë qëndrim të qartë ndaj nesh dhe jo të na përkrah në mënyre deklarative vetëm sa për të mbledhur vota dhe të na dëmtojë sa herë që u shkon për shtati interesave të ngushta politike.

Kryetar,

Besim Kuqi

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë